ستايل سويتشر

اختر نمط اللون

لتجربة أفضل يرجى تغيير المتصفح إلى كروم، فايرفوكس، واوبرا أو إنترنت إكسبلورر.
مركز بيع مباشر للأضاحي من 3 ال 4.5 مليون

مركز بيع مباشر للأضاحي من 3 ال 4.5 مليون

السعر يتراوح بين 3800ج و 4000 ج و 4200ج لانها ثلاثه احجام للاستفسار اتصلو على اخونا إدريس الشيخ سليم 0911116377

والمشكله بتكمن في التجار والسبابه بتاعين البهايم لانو بشتروها من المنتج وبختو مبالغ خرافيه

السلام عليكم شباب انا الحمد الله عندي مزرعة فواكه ومن شهرين كدا اشتريت كميه من الخراف وبسمن فيها في المزرعه لعيد الاضحي والحمد الله بتوفيق من عند الله الامور اتسهلت طبعا لفت اننتباهي زيادت الاسعار الايام دي وقريب العيد بتزيد اكتر والمشكله بتكمن في التجار والسبابه بتاعين البهايم لانو بشتروها من المنتج وبختو مبالغ خرافيه او بكونو في السوق وبدخل في البيع وبختو طاقيه جامده فخطرت في بالي فكره حبيت اشوف ارائكم فيها انا عارف في اعضاء كتار هنا عندهم نفس مشروعي لي الناس م تفكر في مكان يكون خارج الاسواق وخاص للحاجه دي ونعلن عنو في في كل القربات نبيع فيه الخراف من المنتج لي المستهلك ونكون خفضنا طاقية التجار والسبابه للمستهلك وشكرا لكم كل الحب والتقدير.

خرفان العيد
خرفان العيد

فكرتي اصلا كان اجي ابيع في الخرطوم في السوق وبعديها جاتني فكرت البيع مباشر

انا ساكن الخرطوم العمارات والمزرعه بعيده عشان الناس تصل لكن فكرتي اصلا كان اجي ابيع في الخرطوم في السوق وبعديها جاتني فكرت البيع مباشر دي لانو قبل 3شهور في واحد من الاخوة منزل بوست هنا وقال فيه انو بدا المشروع ونزل صور للبهايم الجات من الغرب وانا شفت البوست دا واخدت الفكره منه جزاه الله خير وطوالي مشيت نفزتها دعوتي كانت ليه ولي الاخرين الزينا عشان نقدر نفيد نسبه كبيره من الناس ب النسبه لي افكار البيع المباشر التعليقات فيها افكار كويسه ان شالله نطبق الكويس منها وتصلكم الاضاحي اما ب النسبه لي الناس القالت الجبايات لابد من ادفعها لاني لازم اجي ماري بيهم عشان اصل هنا الشي الممكن نقدر نخفض في السعر حق التجار والسماسره .
بالنسبه للناس الراسلتني في الخاص وطلبت تعرف الكميه عشان عايزين تشتروها كلها انا لو عايز ابيع كدا التجار والسماسره بتاعين التصدير كل يوم بجو المزرعه ويقدمو عروض مربحه ب النسبه لي بدون تعب وترحيل وقبل شهر من العيد يعني ح اوفر قروش الترحيل وقروش شهر للعمال وقروش العلف كان بعت ليهم بعتزر ليكم تاني ارجوكم اتركو السلبيه خليكم اجابيين وشكرا

الناس بتسالني من المكان او الارقام الممكن يتواصل بيها عشان يشترو كل الحاجات دي لم نحدد المكان والزمان مع باقي الاخوة ونتفق علي حاجه

تعديل : اولا بعتزر كتير علي التاخير في الرد بس كنت مشغول شويه ثانيا الفكرة ما بتنجح ب المشترين بس لانو الناس كتيره والكميه العندي مابتسوة حاجه امام كمية الناس العايزه انا لم طرحتها كان قصدي نتكاتف مع الاخوان العندهم بهايم ومنتظر منهم ردود والحمد الله ربنا وفقني في اتنين من الاخوان لحدي اسي وانا متاكد في ناس لسه ح يجو المهم ان شالله الموضوع قايم ب تكاتف الجميع والحاجه دي دايره تنسيق لانو المكان والزمان والمحليه وناس الجبايات في حاجات كتيره والحمد الله عندنا زمن كافي باقي لينا شهر ح اتواصل مع الناس وكل شي جديد بنعمل ليكم ابديت الناس بتسالني من المكان او الارقام الممكن يتواصل بيها عشان يشترو كل الحاجات دي لم نحدد المكان والزمان مع باقي الاخوة ونتفق علي حاجه ح تصلكم لانو برضو ح نطلب المساعد من ادارة القرب الحاجه دي م ساهل ياخوانا اي فكرة واتقالت بس تطبيقه محتاج مننا كلنا وقفه معليش بعتزر لكم جميعا لانو مفروض كل زول سالني من حاجه ارد علي تعليق او الناس الراسلتني في الخاص ارد عليها اما بخصوص الناس البتسال من الاسعار ان شالله ح تكون اقل من اسعار السوق بفرقه كويسه مابقدر احدد حاليا لانو في رسوم ترحيل ورسوم عبور ومحليه لازم اعرفها كم عشان لم اتكلم اكون واثق من كلامي

السعر يتراوح بين 3800ج و 4000 ج و 4200ج لانها ثلاثه احجام

تعديل : السلام عليكم الحمد الله ربنا وفقنا واول دفعه من الاضاحي حا تصل يوم الاثنين او الثلاثاء ان شالله مكان البيع حا يكون ام درمان لان البهايم جايه من الغرب السعر يتراوح بين 3800ج و 4000 ج و 4200ج لانها ثلاثه احجام مختلفه البهايم تابعه لي اخونا إدريس الشيخ سليم من اعضاء القروب رقم التواصل 0911116377 طبعا ياخوانا السعر بحددو المنتج حسب صرف علي البهايم يعني بكون في فرق في الاسعار من منتج لي اخر وان شالله كل م يجهز واحد من المنتجين بنزل ليكم مكان البيع والاسعار ورقم التواصل وجزاكم الله خير

اترك تعليقك


لن يتم نشر عنوان بريدك الإلكتروني. الحقول الإلزامية مشار إليها بـ *

اعلي نزل التطبيق
نزل التطبيق