ستايل سويتشر

اختر نمط اللون

لتجربة أفضل يرجى تغيير المتصفح إلى كروم، فايرفوكس، واوبرا أو إنترنت إكسبلورر.
دروس في ريادة الأعمال والحياة من فيلم  The Greatest Showman

دروس في ريادة الأعمال والحياة من فيلم The Greatest Showman

دروس في ريادة الأعمال والحياة من فيلم “The Greatest Showman”

الفيلم ناقش كتير من مواضيع ريادة الاعمال بصورة قد ما يلاحظها الكتير مننا. بصرف النظر عن اهدافك من العمل الخاص هي شنو الفيلم بديك فكرة عامة عن بداية العمل الخاص وأسباب نجاحه. ح أحاول في النقاط الجيه دي الخص البقدر عليه.

1) خلي رؤيتك لعملك واضحة حتى لوكان باقي الناس شايفنها مجنونة
كل ما كان حلمك كبير كل ما الناس افتكروك مجنون. الفيلم ببدأ بي بورنم (هيو جاكمان) كطفل فقير يلتقي بفتاة صغيرة من عيلة غنية، ووعد زوجته المستقبلية بحياة مشوقة لكن اصطدم مع ابوها الغني البفتكر انه ما كفء ببنته المدللة وده كان اول تحدي لازم يتغلب عليه. وده التحدي الأول الكان لازم عليه التغلب عليه. يلا هو وزوجته بنو حياتهم سوا وعملو المستحيل عشان يحققو حلمهم لقناعتهم التامة بإنهم بيقدرو يحققو حلمهم.

2) عندك الجرأة إذن ماتلاوز
بعد خساره وظيفته، قدر بورنم انه يحصول على قرض بنكي كبير عن طريق أصول شركة مفلسة كضمان، من غير ما البنك يعرف الحقيقة دي وإستخدم الأموال دي لشراء المباني الإتطور من متحف إلى “The Greatest Show on Earth”

3) السبب العمل الخاص اهم من كيفية عمل الشغل الخاص
زي مابنقول كل الطرق تؤدي الى روما, لكن داير تمشي روما ليه؟ يلا بورنم كان عارف ليه دي. كان ساعي لحياة رائعة لاسرته الصغيرة والصدفة لعبت دورها في مساعته. يعني لو عارف داير تعمل شغلك الخاص لييه حتلقى الطريقة البتوصلك لهدفك.

4) اللحظات البتغير حياتك بتجي في وكت ما متوقع
الراجل بعد ماشال القرض كان مفكر يفتح المتحف بعد يملاه هتش ويستنى الناس تدفع عشان تشوف التماثيل العارضها, طبعا الناس ماعبروه ودبرس الدبرسة الواااحدة دي. يوم من الأيام بته قالت له “بابا انت محتاج حاجات حية في متحفك ده!” يلا دي كانت بداية عملية تحويل المتحف إلى سيرك، والبقى بعد داك “The Greatest Show”.

5) كل الدعاية دعاية كويسة خيرها وشرها
لمن قرر بورنم يغير شغله من متحف لي سيرك. فكر انه السيرك بتاعه لازم يكون عينه, ماليهو شيه في العالم. جاب أقزام وناس سمان وبنات قايم ليهم شنب ودقن. مرات الدعية السلبية او السيئة بتديك فرصة تجذب الانتباه, وكل البتحتاج له هو جذب الانتباه لي شغلك الجديد وبعد داك انت وشطارتك في اغتنام “الفرصة” دي.

6) إذا فريق عملك عنده القدرات الكافية، تاني مافي شيء مهم
لمن بورنم بدأ يفتش للناس الممكن يشغلهم في السيرك سمع صوت واحده بتعني بصوت جميل جداً. لقاها وحدة عنها شنب ودقن كمان!!! قال بس دي زولتي. ورغم انها كانت مترددة انها تشتغل معاه أصر عليها وعمل البقدر عليه انها تشتغل معاه.

7) التنوع سلاح نجاحك
بغض النظر عن خلفياتنا ، أو عرقنا ، أو التعليم ، أو غيره. كل واحد فينا ليهو موهبته. لو قدرت تبني على مواهب الاخرين، بالتأكيد ح تعمل شغل مختلف ومبتكر، وفريد من نوعه. شيء ح يجيب تمنه.

8) دخل الفرحة في الناس الحوليك
كلنا عارفين انه سعادتنا في إدخال السرور في نفوس الاخرين. The Greatest Showman هدف رئيسي واحد – جعل الناس سعداء.

9) ناسك الشغالين معاك اهم من أي شي تاني
الفيلم فيه مشهد انه واحد من الناس المعترضين على انه السيرك لامي ليهم الناس المنبوذين قام حرق السيرك قام برونم أنقذ آخر زول كان داخل المسرح. وبكدا كل الشغالين معاه نجو من الموت. مافي اهم من الناس الشغالين معاك. بكده العرض ممكن يستمر ولو في مكان تاني غير المسرح المحترق. وفعلا بورنم لقى خيمة واستمرت العروض.

10) ماتنسى أصلك ، وماتنسى كيف وصلت للنجاح ده
في منحنى درامي للقصة, مره سافر بورنم الى بريطانيا عشان يقدم عرض للملكة ولاقى مغني أوروبية. وبعقلية التاجر مغتنم الفرص عرض عليها يعمل ليها حفلة في امريكا. الحفلة نجحت بصورة كبيرة وادت بورنم فرصة يختلط بالطبقة الراقية على خلفية نجاح الحفلة فقرر يعمل للفنانة جولة في أمريكا وأهمل زوجته وبناته والناس الشغالين معاه ونسى انهم السبب الرئيسي في النجاح الهو فيهو حالياً.
لما نسى بورنم اصل نجاحه خسر زوجته و السيرك حاله اتدهور لكنه اخد وقفة مع روحه وعرف انه غلط في حق الناس الكانو سبب نجاحه. طوالي وقف الجولة مع المغني الأوربية ورجع لي زوجته وبناته واجتهد في تصليح وضع السيرك.

11) بيتك أولا. بعد داك أي شي تاني
اول حاجة عملها بورنم بعد السيرك رجع للنجاح, سلم الشغل كله لي شريكه. عشان يستمتع مع أسرته.

*الفيلم مستوحى من قصة حقيقية لحياة بي. تي. بورنم صاحب أشهر سيرك في تاريخ أميركا.
*السيرك استمر من 1871 الى 2017
*ده رابط التريلر للفيلم

اترك تعليقك


لن يتم نشر عنوان بريدك الإلكتروني. الحقول الإلزامية مشار إليها بـ *

اعلي نزل التطبيق
نزل التطبيق